عملتيلــى إيــــه؟

عملتيلــى إيــــه؟

عملتيلــى إيــــه لما اتولدت فيكى؟
عملتيلــى إيــــه لما عشت سنين احميكى؟

عملتيلــى إيــــه؟ مش انا اللى شيدت حضارة ؟  و عملتها من شوية حجارة؟
و كنت بدوق المر تارة و الهوان تارة ؟ عملتيلــى إيــــه؟

دوقتينى نيلك مرار طافح , ولا قدرتى إنسان عشانك بيكافح
عشانك خلى جسمه مكابح , و فى الاخر قولتى "سلام" و مع الاعداء اتصافح

زرع مسموم و اطفال هموم و عشان بجرى و اقوم
و انتى عشانى ماتحركتيش ليـه؟ عملتيلــى إيــــه؟

عيًشتى كلاب ملوك عظام و إحنا جلدنا لزق فى العظام
و مع ذلك حبى ليكى لم ينضام , و ارجع و اقول عملت انا إيــه؟

ورثت منك هلاك , و خليتك فى احلامى ملاك
بيطل عليا من شباك , شباك اسمه الوطن.....ههه وطن إيــه؟

قلتيلى انا فـ محنة ساعدنى , جريت شايل سلاحى و الامل بيواعدنى
اشوفك حرة فى يوم تبقى ست الكل فيــه

جبتيلنا وباء اسمه المجلس الحارس , و قولتيلنا هو ده الفارس
طيب بزمتك...فارس بأمارة إيــه؟

فارس عشان جبلنا واحد اعتقل , و التانى من ظلمه بالسم انتقل
و الثالث الله اعلم هيفضل يذل فينا قد إيـــه؟

امشى و اسيبيك؟ و الله ما تهونى عليا , ده انا اللى زرعك خضرة و أمل بأديا
و مهما تعملى فيـا.........مش هقول بحبك ليـــه

عملتيلــى إيــــه